Ողջույն, ես Տաթևն եմ` այս բոգի մշտական «բնակիչներից» (անդամներից) մեկը:  «Մոլորակի» վերջին նորույթից հետո սիրով գրացվեցի այս փոքրիկ ու բազմաբովանդակ բլոգ-կայքում, և, մինչ հերթական գրառումներով հանդես գալը, Հասմիկի առաջարկով նախ կներկայանամ այս հոդվածներով: Հարգելի ընթերցող բարեկամներ, եթե դուք մշտապես հետևել եք «Մոլորակի» անցուդարձին, ապա հաստատ նկատած կլինեք ինձ գրառումներից շատերի մեկնաբանություններում: Դեռևս 2011թ.-ի դեկտեմբերից նախկին` armplaneta.com-ից առաջ գոյություն ունեցող  jasmena-gold11.blogspot.com բլոգում  տեղադրվել էր երաժշտության ընկալման պրոցեսի գիտահետազոտական այս և սրա շարունակությունները հանդիսացող այլ հոդվածներ: Եթե հիշում եք, դրանք հատուկ բլոգի ընթերցողների համար ռուսերենից թարգմանել էի ես: Ահա թե ինչպես էր հեղինակը ներկայացրել նյութերը.

«Մի քանի մասով կներկայացնեմ Ձեզ ընկերուհուս ուղարկած` երաժշտության հետ կապված ձեզ հետաքրքրող բազմաթիվ հարցերի պատասխաններն իրենց մեջ կրող, հատուկ ձեզ համար բարեխղճոեն թարգմանած և մշակած հոդվածները, որոնք անշուշտ օգտակար կլինի իմանալ»:

Այսպես, այս հոդվածը շատերն են կարդացել 2011թ. դեկտեմբերի 9-ից այս կողմ, և, ինչքանով տեղյակ եմ, գուգլով շատերն են փնտրել նմանատիպ նյութեր և հատուկ այս հոդվածների համար այցելել բլոգ-կայք: Եթե ձեզ նույնպես հետաքրքիր են նմանատիպ գիտահետազոտական ուսուցանող հոդվածները, ապա մեծ սիրով կարող եք վերընթերցել դրանք կամ, չընթերցած լինելու դեպքում, լրացնել բացը: Չմոռանամ նշել, որ «հոդվածները հատուկ «Մոլորակի» համար են պատրաստվել» արտահայտությունը միայն բառերի միացություն չէ, քանի որ դրանք իմ կողմից ոչ մի այլ նպատակով չեն օգտագործվել և չեն տրամադրվել որևիցե երրորդ անձնավորության: Ժամանակն է անցնելու բուն նյութին.

Երաժշտությունը շրջապատում է մեզ ամենուրեք: Երաժշտական նվագակցությունը մեծացնում է ֆիլմերի և ներկայացումների գեղարվեստական արտահայտչականությունը: Ռոք-երաժիշտները ստիպում են մեզ ոտքի վրա կանգնել և պարել, իսկ ծնողները երեխաներին քնեցնում են մեղմ օրորոցային երգերով:

Երաժշտության նկատմամբ սերը խոր արմատներ ունի. մարդիկ ստեղծում և լսում են այն այն ժամանակից ի վեր, երբ ծվեց մշակույթը: Ավելի քան 30 հազար տարի առաջ մեր նախնիներն արդեն նվագում էին քարե ֆլեյտաների և ոսկրե տավիղների վրա: Երևում է` այս հետաքրքրությունը բնածին բնույթ ունի: Նորածինները թեքվում են դեպի հաճելի ձայների (կոնսոնանսների) աղբյուրը և հետ են շրջվում տհաճ ձայներից (դիսսոնանսներից): Իսկ երբ մենք սիմֆոնիայի եզրափակիչ հնչյունների ազդեցության տակ ակնածալից հուզմունք ենք զգում, գլխուղեղում հաճույքի նույն կենտրոններն են ակտիվանում, ինչ որ համեղ ընթրիքի, սիրով զբաղվելու կամ թմրանյութերի ընդունման ժամանակ: Continue reading →

Այնպես, ինչպես կարճաժամկետ ուսուցանումը մեծացնում է ձայնին հակազդող նեյրոնների թիվը, երկարաժամկետ ուսուցանումն ուժեղացնում է նյարդային բջիջների հակազդումները և նույնիսկ ուղեղում առաջ է բերում ֆիզիկական փոփոխություններ: Պրոֆեսիոնալ երաժիշտների գլխուղեղի հակազդումները էականորեն տարբերվում են ոչ երաժիշտների հակազդումներից, իսկ նրանց ուղեղի որոշ գոտիներ զարգացած են չափից ավելի: Continue reading →